Pag-aaway ni Baron Geisler at asawa nito, viral! Baron kailangan ulit ipa-rehab ayon sa kanyang misis?

Kasama sa mga naging topic sa “Showbiz Update” vlog ni Ogie Diaz kasama ang kanyang mga kaibigan na sina Mama Loi, Tita Jegs, at Brena ang viral na video ng pag-aaway ng aktor na si Baron Geisler at asawa nitong si Jamie.

Ang nasabing video ay in-upload mismo ni Baron sa kanyang Instagram account ngunit agad ding binura. Dahil dito ay usap-usapan na aksidente lamang itong nai-post at hindi sinadya.

Ayon kay Ogie, makikita sa video ang pagtatalo ng mag-asawa kung saan nakahiga si Baron sa isang kama habang nagsesermon si Jamie.

Kwento niya, “Nasa kama si Baron tapos parang tumatalak ang misis niya at ang sabi, ‘Ano? Gusto mo magpasaklolo? Tawagan mo ‘yung sugar mommy mo. Ano? Gusto mo magpaano sa gwardya?’”

Sa galit ng asawa ni Baron ay binato siya nito ng isang container na mayroon pang laman na sabaw. Kumalat ito sa kanyang binti at sa kama kung saan siya nakahiga.

“Oh my God! What is this? Sinong kailangang i-rehab?” gulat na reaksyon ni Baron sa ginawa ng asawa.

Ayon pa sa kay Ogie Diaz, maaaring ang ibig sabihin dito ng aktor ay hindi siya ang dapat na ibalik sa rehab kundi ang kanyang misis dahil sa ginawa nitong pagbato sa kanya.

Natanong naman ng mga kasama ni Ogie sa nasabing vlog kung ano ang maaring rason sa pagtatalo ng dalawa gayong nagbagong buhay na ang aktor at nagbalik-loob na sa Panginoon.

Sagot ni Ogie, maaring hindi pa tuluyang natatalikuran ni Baron ang pag-iinom ng alak dahil mayroon siyang nabalitaan na hanggang ngayon ay nag-iinom pa rin ang aktor paminsan. Nauunawaan niya naman daw dahil hindi madaling umiwas sa nakasanayan na.

Aniya, “Ako ha, feeling ko lang. Kilala ko si Baron. E hindi, hindi pa rin makakatiis si Baron, iinom at iinom pa rin yan. Akala ko nga completely healed at completely reformed na si Baron.”

Sa huli ay sinabi ni Ogie na wala rin siyang ideya kung ano ang maaring pinagtalunan ng mag-asawa. Hayaan na lamang daw na ang dalawa ang magpaliwanag nito.

“Panget naman, para tayong mga Marites dito na naghihinu-hinuha kung ano ang naging cause ng kanilang away pero hayaan mo na sila ang magpaliwanag niyan,” dugtong pa ni Ogie.

Pinayuhan na lamang niya ang mga ito na ayusin ang mga problema nang pribado at huwag nang i-post sa social media upang hindi na pagpiyestahan ng publiko.

Anong reaksyon mo sa balitang ito? Share your thoughts!

The post Pag-aaway ni Baron Geisler at asawa nito, viral! Baron kailangan ulit ipa-rehab ayon sa kanyang misis? appeared first on The Filipino Today.