Iwa Moto, Usap-usapan Ngayon Dahil Sa Trato Niya Sa Kanyang Mga Kasambahay

Hindi madali ang buhay ng isang ina. Bukod sa pag-aalaga ng iyong mga anak, kailangan mo ring mag-asikaso ng mga gawaing-bahay. Mas lalo itong mahirap para sa mga working moms, na pinagsasabay ang kanilang trabaho at pagiging housewife. Kaya naman karamihan sa mga celebrity moms ay kumukuha ng kasambahay para maibsan ang kanilang mga gawain, gaya ni Iwa Moto.

Bilang isang busy mommy, kailangan ni Iwa ng katulong sa pag-aalaga ng kanyang mga anak at pagme-maintain ng bahay nila ng mister na si Pampi Lacson. At dahil full-time housewife siya, mas nakakapag focus si Iwa sa kanyang pamilya. Ngunit malaki rin ang pasasalamat niya sa kanilang mga kasambahay.

Sa kanyang nagdaang TikTok video, ibinahagi ni Iwa na parang pamilya na rin ang turing niya sa kanilang mga kasambahay na sina Analyn at Joan. At kahit pa sinuswelduhan nila ang mga ito, tinutulungan pa rin sila ni Iwa sa mga gawaing bahay at sa pag-aalaga ng kanyang dalawang anak.

“Nagluluto ako ng lunch for my family. Kapag maaga ako nagising at hindi ako napuyat sa gabi nagluluto rin ako ng breakfast. Naglilinis rin ako ng kwarto, every day. Katuwang ko sila Joan at Analyn dito sa bahay. Kasi tinutulungan nila ako on how I make sure that the house is running properly for my family,” pagbabahagi ng dating aktres.

Dagdag pa ni Iwa, kung ano ang kinakain ng pamilya niya ay iyon din ang pagkain ng kanilang mga kasambahay. Malaya rin daw ang mga ito na kumuha ng stocks at groceries sa kanilang ref. At dahil malapit ang loob niya sa dalawa ay parang kapatid na rin daw ang turing niya sa kanila.

“Sa food lahat ng kung ano kinakain namin, yun din kinakain nila. Or kapag ayaw ni Joan ng ulam nagluluto siya ng kaniya. I always tell them ng lahat ng nasa ref pwede nilang kainin. Kapag medyo maganda yung work ni Pampi, di tight yung budget, we give them something na parang thank you. Minsan P500, P1000 ganon,” dagdag pa ng aktres.

@iam_iwa Reply to @wena2178 ♬ original sound – Aileen Iwamoto

Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like at mag follow sa aming Facebook page.

The post Iwa Moto, Usap-usapan Ngayon Dahil Sa Trato Niya Sa Kanyang Mga Kasambahay appeared first on The Filipino Today.