Nagulat ang may-ari ng pusang ito matapos siyang dalhan ng kanyang alaga ng pera

Ang malasakit na ating ibinibigay na mga alagang hayop gaya ng pusa, aso at iba pa ay may katiyakang katumbas na kanilang ibabalik sa atin.

Tulad na lamang ni Stuart McDaniel. Isang araw ay may nakitang pusa si Stuart na palaboy-laboy sa lansangan. Naawa siya rito kaya’t napagpasiyahan niya na pulutin it iuwi sa kaniyang tahanan.

Dahil papunta noon si Stuart sa kanila g family business ay napagpasiyahan niyang doon nalang muna iwanan ang pusang napulot.

Kinabukasan, nagulat si Stuart nang may nakita siyang pera sa tabi nito. Noong una ay akala niyang nahulog lamang ito ng kaniyang mga kasama sa trabaho. Ngunit, sinabi ng mga ito na wala naman silang naiwawalang pera kaya’t mas lalong nataka si Stuart.

Ilang araw pa ang lumipas ay mas lalong nagulat siya nang makitang paulit-ulit na mayroong nakalagay na pa sa eksaktong lugar na iyon, at hindi nila alam kung saan nagmumula ang mga ito.

Dahil sa misteryong ito ay napagpasiyahan ni Stuart na kabitan ng CCTV camera ang lugar. Doon nakita ni Stuart kung paano kinukuha ng kaniyang pusa ang pera na isinusuksok sa maliit na butas ng pintuan. Kinakawit ng pusa ang pera at kapag nakuha na niya ito ay mabilis itong tumatakbo papaloob ng opisina upang doon itago ang nakuhang pera.

Dahil dito, napagpasiyahan ni Stuart na tawaging “Cashnip kitty” ang kaniyang pusa. Bukod pa roon ay naisipan niyang itulong sa mga nangangailangan ang perang naiipon ng pusa.

Naglagay siya ng maliit na papel sa pinto na nagsasabi kung saan mapupunta ang mga perang kanilang ibinibigay sa pusa. Ang iba ay napupunta sa mga animal shelter at ang iba naman ay ibinibigay niya sa mga nangangailangan.

Dahil dito, maraming tao ang kinagiliwan ang pusa niya at marami rin ang natuwa sa kabutihan ni Stuart. Umani ito ng mga papuri sa iba’t-ibang mga tao at mayroon pang nahikayat na magbigay ng karagdagang pondo para makatulong sa kanilang mga naipon na pondo.

Sa pangyayaring ito ay maraming nagsasabi na ang kabutihan at pagtulong ni Stuart sa pusa ay sinusuklian lamang nito sa paraang alam niya.

The post Nagulat ang may-ari ng pusang ito matapos siyang dalhan ng kanyang alaga ng pera appeared first on The Filipino Today.