Kylie Padilla, totoo nga bang iginiit na walang kasalanan si Aljur Abrenica sa kanilang hiwalayan?

Hanggang ngayon ay laman parin ng kaliwa’t kanang mga balita ang hiwalayan nina Kylie Padilla at Aljur Abrenica.

Maraming mga usap-usapan patungkol sa third party na siyang dahilan umano ng hiwalayan ng aktres at ng kaniyang asawa; ngunit tila walang sinisisi si Kylie sa nangyari, ayon sa kaniyang Instagram post noong huwebes, Hulyo 15.

Sa Instagram post ng nasabing aktres, inihayag niya na hindi mahalaga kung sino ang dapat sisihin sa mga nangyari, bagkus, ang dapat bigyan ng pansin ay ang pagkatuto sa mga karanasan o pinagdaanan ang isang tao.

“In the end the best thing to do is not to blame anyone for the things that happened BUT to observe where you could have done better,” saan ni Kylie sa caption ng kaniyang Instagram post.

At ipinapakita rin ng aktres sa kaniyang caption na imbis magkaroon ng sama ng loob sa dating asawa ay mas pinipili na maging positibo sa buhay. Nais niyang gawing aral ang nangyari at manahimik sa kabila ng kabi-kabilang mga isyu dahil sa kanilang hiwalayan ni Aljur, at ngayon ay masaya siyang nagmo-move forward sa buhay.

“Life is about growth. Silence the noise and make the best out of your life. Claim it, I’m happy, I’m healthy, I’m alive. I’m hoping the same for you,” dagdag pa ng aktres.

Ngunit, bagaman mas pinipili ni Kylie ang manahimik sa mga isyu, marami ang umuusisa kung totoo nga ba ang mga balitang si JM de Guzman ang dahilan ng kanilang hiwalayan.

Marami rin ang nagsasabi na masyadong “high maintenance” umano ang aktres at hindi umano kayang sustentuhan ni Aljur ang mga luho ni Kylie kaya’t nakipaghiwalay ito sa kaniya— isang bagay na pinabulaanan ng aktres.

Mariing inihayag ni Kylie na magkaibigan lamang sila ni JM at wala nang iba pang namamagitan sa kanilang dalawa.

What can you say about this story? Share us your thoughts in the comment section and let us have some discussions!

The post Kylie Padilla, totoo nga bang iginiit na walang kasalanan si Aljur Abrenica sa kanilang hiwalayan? appeared first on The Filipino Today.