Video Ng Pagsuntok Ni Rendon Labador Kay Kiko Matos Matapos Siyang Asar Asarin Nito

Mainit nanaman ang mga kaganapan sa buhay ng aktor na si Kiko Matos dahil sa isang video na kumakalat ngayon sa internet.

Matatandaang si Kiko Matos ay nakaaway din ng aktor, negosyante, modelo, resource speaker, amateur artist at ngayon ay aspiring poet na si Baron Geisler. Nagsimula ang iringan ng dalawa nang sila ay magkapikunan sa set ng kanilang ginagawang pelikula, na pinamagatang Beastmode.

Marami ang nagpatunay na totoo ‘di umano ang laban ng dalawa sa MMA fight scene ng nasabing pelikula. Mas tumindi pa nga ang alitan nila nang “iprovoke” ‘di umano ni Kiko si Baron at bibigwasan ito.

At dahil kilala nga si Baron bilang mainitin ang ulo ay pinatulan niya ang mga pasaring ni Kiko at doon na nagsimula ang kanilang bangayan. Sa kasalukuyan, tila mayroon nanamang bagong naprovoke ang nasabing aktor, at iyon ay ang Filipino motivational speaker, negosyante at vlogger na si Redon Labador. Sa isang interview sa Battle of Youtubers, nakuhaan ng video ang pagsapak ni Redon sa ulo ni Kiko Matos. Lahat ng tao ay nabigla sa kaganapan, at miski ang vlogger at ‘diss king’ na si Mark Jayson Roger Warnakulahewa or mas kilala sa tawag na Makagago, ay walang nagawa kundi umawat lamang sa tabi. Ilang libo ang nakapanood ng video na ‘yon at umani ng iba’t-ibang reaksyon mula sa mga netizens.

May nagsasabing tama lamang ang ginawa ng Filipino motivational speaker sa aktor dahil totoong masama at bastos ang pag-uugali nito. May ilan namang pumuri sa lakas umano ni Kiko Matos dahil hindi lahat ay makakatayo agad matapos ang isang napakalakas na suntok sa ulo. Inulan ng meme at binansagang “Legendary Konyat” ang nasabing salpukan ng dalawa kaya’t mas lalong nag-init si Kiko at ’tila ay naghahamon pa ng away. Naglabas din ng panig ang kampo ni Redon at matapang na sinabi nito na hindi lahat ay maaring bastusin ni Kiko, at kung nais nitong magdemanda ay handa ‘di umano siya na labanan ang nasabing aktor sa korte.

The post Video Ng Pagsuntok Ni Rendon Labador Kay Kiko Matos Matapos Siyang Asar Asarin Nito appeared first on The Filipino Today.