Isang matandang pulubi, napaiyak ang may ari ng tindahan matapos mag ipon at bilhin ang bagay na ito

Ang pagmamahal ng magulang ay wagas at kailanman ay hindi mapuputol. Kahit pa sa kabilang buhay ay handang ipaabot nito ang kanilang pagmamahal sa kanilang mga supling.

Ang mag-asawang Sally at Howard ay mayroong isang maliit na karinderya. Mula doon ay kita nila ang barong-barong ni Mang Henio sa ‘di kalayuan.

Si Mang Henio ay kilalang mangangalakal sa kanilang lugar, sapagkat kahit matanda na ito ay kumakayod pa rin ito at nagbabanat ng buto.

Nang gabing iyon ay kinausap ni Sally ang kaniyang mister upang ipakiusap na palaging ayain si Mang Henio sa kanilang karinderya. Natuwa naman si Howard dahil sa kabutihang taglay ng misis ngunit pinakiusap niya rito na kung maari ay pakainin lamang si Mang Henio kapag wala nang customer nang hindi magreklamo ang mga ito sa amoy ng matanda.

Masayang pumayag si Sally at inaya ang matanda na kumain sa kanilang karinderya. Noong una ay nahihiya pa ito ngunit nang maglaon ay tila ba naging palagay na ang loob ng matanda sa mag-asawa.

Isang araw, nakiusap si Mang Henio na kung maari ay samahan siya ni Sally sa mall upang bumili ng sapatos. Masaya si Sally, at excited na sinamahan ang matanda kaya naman natatawa lamang ito sa kaniyang inaasta.

Nang makarating sa tindahan ng mga sapatos ay namili si Mang Henio ng isang pares ng sapatos na size 6. Akala ni Sally ay para ito sa sarili niya ngunit dahil sa sukat nito ay naisip niyang para sa apo ito ni Mang Henio. Tinulungan ni Sally ang matanda upang bilangin ang mga nakarolyo nitong sikwenta pesos, mga ipon niya mula sa pangangalakal.

Nang matapos mamili ay sinama ni Mang Henio si Sally sa pagbibigyan niya ng sapatos. Nagulat si Sally ng dalhin siya nito sa isang puntod. Matagal nang patay ang anak ni Mang Henio ngunit ngayon lamang siya nakaipon ng pera pambili ng sapatos na hinihiling ng kaniyang anak.

Naluha si Sally sa narinig at dagliang sinabi kay Mang Henio na sana ay hindi na lamang ito bumili ng sapatos, bagkus ay pinanggastos na lamang para sa sarili ang pera dahil maiintindihan naman ito ng kaniyang anak.

Ngunit, umiling si Mang Henio. Kahit sa huling pagkakataon, kahit pa mahirap ang buhay, nais niyang iparating ang kaniyang pagmamahal sa anak. Nais niyang tuparin ang kagustuhan nito hanggang dulo dahil iyon ay responsibilidad ng magulang, ang mahalin at ibigay sa anak ang mga bagay na makakapagpasaya sa mga ito.

The post Isang matandang pulubi, napaiyak ang may ari ng tindahan matapos mag ipon at bilhin ang bagay na ito appeared first on The Filipino Today.